PWD Minister in Kawrpuichhuah a tlawh

Mizoram chhim lam tlawha zin mek PWD Minister Vanlalhlana chuan nimin zing khan Bangladesh leh India inrina Kawrpuichhuah chu tlawhin Tlabung leh Marpara inkalpawhna tur Central PWD in Lei (Bridge) an siam mek chu a hmunah a en nghal bawk a. Hnathawktute hnenah chak taka thawk tur leh thawh hun chhung, kum hnih chhunga thawk zo ngei turin a chah bawk a ni. PWD Minister hian nimin khan Lunglei thlengin tlawmngai pawl ten ATL Road chungchang leh Lunglei chhuah lama kawng laih chungchang an lo thlen bawk a ni. PWD Minister chuan ZPM sawrkar in huaisen takin ram siamthat nan hma a la zel dawn tih sawiin, hun hmasa lama sualah pawh kan lo ngaihvak tawh loh, dan dik lo a ni tih hre reng chunga kan palzam aikal lak te chu phal a nih tak loh thu te pawh a sawi bawk a ni.