Nu pakhat ramkal kutthlaktu nia hriat man

Siaha District Chakhei khua a nu pakhat ramkal na taka kutthlaktu a puh, Myanmar Khihra khua ni a inchhal, Tei-aung (24) chu Police ten an man a, mipui thinrimin kut an thlak nual nia thudawn a ni. Thudawn danin, Tei-aung hi lirthei siam thiam nia insawiin, Chakhei khua ah hian a zin a, kar kalta Ningani zan khan mi In-ah lutin In neitunu hriat loh hlanin mawi lo takin a thla a lak ruk sak nia sawi a ni a. A tuk Zirtawpni khan nu pakhat ramkal chu zui ru lehin a lu-ah thingin a vaw thlu a, ramkal dangten hliam an hmuh veleh Chakhai MTP te hriattir nghalin, pawikhawihtu hi khawchhung a luh hmain an man a, thalai thinrim ten pawikhawihtu hi kut an thlak nual hman a, MTP te chuan Tipa Police kutah an hlan ta a ni.