Hamthatna hnuhchhuah duh

Chief Minister Lalduhoma’n Sawrkar laipui hnuaia hmalakna hrang hrang hnuaia hamthatna awm te Mizoram Sawrkarin a tam thei ang ber hnuhchuah a duh thu a sawi. Zirtawpni kalta a a Pisa-a National Scheduled Tribes Finance & Development Corporation Chairman cum Managing Director T. Roumuan Paite leh Ministry of Tribal Affairs Jt. Secretary a kawmna ah he thu hi sawiin Chief Minister chuan Mizoram a hmalakna zau zawk nei tura an lo zin chu lawmawm a tih thu a sawi a, Mizoram sawrkarin Development Corporation hnuaia hmalakna hrang hrangah hamthatna awm thei te a tam thei ang ber Mizoram tana chawk luh ve an duh tih a sawi a ni. He hunah hian an Corporation leh Ministry of Tribal Affairs kaltlanga Mizoramin hma a lak theihna hrang hrangah theihtawp chhuahin Mizoram tan hna an thawh tur thu T. Roumuan Paite hian Chief Minister hi a hrilh a. An hmalak dan tlangpui a hrilh bawk.