NH siam mek dinhmun thlirho

Nimin khan Serchhip-ah Bawrhsap Paul L. Khuma hovin National Highway 54 ni thin, NH-02 ni ta tihzauh leh tihchangtlunna tura hmalakna kal mek thlirhona neih a ni.
Serchhip DC Meeting Hall-a thutkhawm ah hian Bawrhsap chuan he kawng enkawltu NHIDCL leh an hnuaia Contractor ten tha taka hna an thawh avanga lawmthu sawiin, hna tam zawk chu thawh zawh a nih tawh bakah an hmabak la awm te chu tha taka thawk turin a chah bawk.

He thutkhawm ah hian mipuite harsatna tawh chungchangte, Contractor mawhphurhna leh harsatna sutkian dan tur chungchangte sawi niin, heng harsatna awmah te hian hmalakna awm tawhte leh hmalak chhunzawm dan turte pawh sawi a ni a. Khawpui chhung cheimawina ni pah fawm atan khaw chhung hmun thum-ah Zebra crossing siam turin Contractorte chu tih an ni bawk.