VDMC ten training an nei

Serchhip District-a Village Disaster Management Committee din thar te tan nimin khan Serchhip DC Pisapui Hall-ah Training neih a ni.
He Training hi Bawrhsap Paul L. Khuma chuan khuallian nia hmanpuiin chhiatna thleng thin tam tak hi mihring kan pun zela, kan mamawh a tam zel vang a ni fo tih sawiin, Hmasawnna hna kan thawk dawn a nih chuan mithiam zawkte rawn chungin tihdan tur an sawite zawm nachang hriat a ngai tih a sawi a. Khuarel chhiatna hian nunna hlu tak leh bungraw tam tak a tihchhiat thin avangin himlo tura lang hmalakna a awm chuan khaw-tlang hruaituten dodal ngam turin kalkhawmte a chah a. Chhiatna a thlen huna chhawmdawlna aiin chhiatna thlenglo thei laka invenna lamah tan kan lak nasat a tul a,chumi atana inrelbawlna tha chu keimahni atang theuha tan a ngai a ni, a ti.

He Training hi Addl. DC Lalrinzuala chuan kaihruaiin SDC Dr. Marilyn Lalruatkimi chuan VDMC te mawhphurhna a zirtir a, District Hospital-a thawktu ten First Aid pek dan leh thil pawimawh dangte an zirtir bawk a ni.