Man man zawka Balhla sawngbawl dan zirho a ni
North East Center for Technology Application and Reach (NECTAR) leh Centre for Tribal and Rural Development (CTRD) tangkawpin an buatsaih he hun hi NECTAR Mizoram-a Senior Researcher Jonathan Lalhruaitluanga chuan kaihruaiin Resource Person atan Lalhriatmawii, Chief Executive Officer, Zawlpui Serchhip Agro Farmer Producer Company Ltd leh Dorothy Lalhriatnungi, Facilitator Sericulture ten chuan he huna kalkhawm Balhla chingtu (Farmers) te chu Balhla leh Balhla kung atanga Fibre lakchhuah a, thil pawimawh chi hrang hrang- Disposable Plates leh No, Paper Cup, Paper Bag, Doormat leh a dangte a siam theih dante leh a kung chhungril no pawh eitur tuihnai taka siamchhuahna atana hman theih anih dante an zirtir a, zawhna leh chhanna hun hman a ni bawk.
Thudawn danin Ministry of Agriculture hnuaiah hian Serchhip leh Thenzawl inkar Zuangleng ramah Balhla leh a kung sawngbawlna tur, Common Facilities Centre (CFC) tur hi din mek niin a Building pawh peihfel tep a ni a, he CFC-ah hian Balhla kung sawngbawlna tur khawl chi hrang hrang te pawh dah tura ruahman a ni.
Tun tuma zirhona hun buatsaihtu NECTAR hi Department of Science & Technology, Govt. of India hnuaia Autonomous Body pakhat niin he Project atan hian PM Devine hnuaiah cheng vbc. 67 ruahman a ni a, tun dinhmunah North East State 6-ah he Project hi kalpui mek niin tun hmalakna hi Serchhip District-ah chuan a vawi khatna a ni.
He Project hi Livelihood Improvement Project angin kum 2 chhung kalpui tura ruahman phawt niin he Project hian a tum ber pakhat chu Thingtlang mi (Rural) te ei leh bar dapna kawnga dawmkan leh chawikanna bakah hna (Employment Generate) tam zawk siam belh te a ni.
Comments
Post a Comment