Minister in Taidawr tlang tlawh

Tunhnaia Mizoram chhunga Tripura sawrkar in kut a rawn thlakna nia sawi Phuldungsei Jampui Hills khuaa Thaidawr tlang chu nimin khan EF&CC Minister Lalthansanga chuan a hmunah a tlawh a, “Thaidawr tlang-ah hian Tripura sawrkarin hma an lo la a ni tih kan hriatin a hmun ngeia enfiah hi tul kan ti a, helai hmun hi tuan leh mang ata Mizo lalte luah ram leh thuthmun a ni a, chutih rualin helai hmun enkawl leh tuaihnum kawngah kan lo muthlu rei hle a ni tih Mizo Convention hruaitute nen kan inkawmna atangin a lang reng mai a, hei hi a pawi takzet a ni,” tiin Kalphung thar mipui Sawrkar hnuaiah helai hmun hi ngaihsak chhoh zel an tum thu a sawi a. Hetianga Tripura sawrkar in kan ramchhunga kut a rawn thlak hi sawrkar in a ngaihthah mai a rinawm loh tih sawiin, helai chhehvela cheng mipuite pawhin lungrual taka sawrkar hmalakna thlawpa an thawhpui zel a beisei tih a sawi a ni. Minister hi Mizo Convention leh khawtlang hruaitu ten an lo dawngsawng a ni.