Japan-a hna thawk tur Mizo thalai pathum thlah

India leh Japan sawrkar thawhdunna hnuaia hmalakna kal zelah nimin khan Kobe (Japan)-a hnathawk tur Mizo thalai 3 te chu LESDE Minister Lalnghinglova Hmar chuan a Office atangin a thlahliam.

India leh Japan sawrkar thawhdunna, Specified Skill worker (SSW) hnuaiah Kobe International University, Japan leh Mission Foundation Movement (MFM) te chuan Japanese Language Course kalpuiin, he program-ah hian Japanese Language N4 thleng a zir theih a, a zirchhuak te chu Japan sawrkarin Certificate of Eligibility a pek hnuah Working Visa pek an ni a, nimin-a thlahliam tak mi pathum te pawh hi Japan-ah Caregiver hnathawk thawk turin an kal dawn a, tun tum hi a tum hnihna niin, hemi hma hian Caregiver Nursing Course Pass chhuak mi 24 te chu Japan-ah hian hnathawk turaa tirh an lo ni tawh a ni.

LESDE Minister Lalnghinglova Hmar chuan Japan rama hnathawk tur chuan tawrhchhel a ngai dawn a, Japan chuan hnathawk tur an la mamawh dawn chauh avangin Mizo thalai te tan hun tha a la inhawng zel dawn a, hemi tur hian Mizo thalaite chu tan la turin a fuih a ni.