Aizawl khawpui chhung kawng siam hna thawk tan

Nimin khan PWD Minister Vanlalhlana hovin Aizawl khawpui chhung kawng thawmthat zelna tura ruahmanna sawiho niin nizan khan Bawngkawn leh Chanmari inkar kawng siam hna tan nghal tura ruahman a ni. Aizawl khawpui chhung kawng thawmthat hna hi thuang hnih a kalpui tur niin Aizawl Road North Division hnuaiah KM 44-a thui leh Aizawl Road South Division hnuaiah KM 40-a thui thawmthat tur a ni tih a ni a. Kawngpui tam zawk hi Bituminous Concrete (BC) hmanga thawm-that tum niin Thuampui leh Selesih kawng bik chu Rigid Pavement-a siam tum a ni. Kawng siam hna hi M/s Nidhi Creative Infrastructure Ltd. ten Engineering, Procurement and Construction (EPC) Mode in thla 18 chhung an thawk anga, Bituminous Concrete atan a hman tur bungrua hi Cachar leh Rawpuichhip atanga lak tum a ni.