ISL-ah Serchhip tlangval kan hmuh hmel

Serchhip tlangval Lalrinzuala chu Season thar-ah Indian Super League (ISL) Club tan a khel dawn niin a lang.

Tun Season-a Aizawl FC tana che tha tak Serchhip Bilzel tlangval Lalrinzuala s/o Lalbiaknia hian North East United a zawm dawn niin a lang a, a Contract neih mek a zawh veleh ziahfel ngaite ziakin NE United hia a zawm beisei a ni. Rinzuala hian Season liamta ah khan Aizawl FC tan I-League ah goal 12 khungin Daniel-a leh Mark-a te hnung zuiin Serchhip in ISL khel phak player kan neih belh leh dawn niin a lang.

Season tan dawn khan Rinzuala hi Mohun Bagan pawhin lak an lo tum tawh a, amaherawh chu a inhliam avanga la ngam lovin Aizawl FC lamah a let leh a, Season thar lo awm turah erawh Serchhip tlangval hi ISL lamah kan hmuh ngei a beiseiawm hle a ni.