Chhiah atangin vbc 1,149 hmu

Mizoram sawrkar Taxation Department chuan sawrkar kum kalta 2024-2025 chhung khan Chhiah chi hrang hrang atangin Rs. 11,49,81,88,170 an hmu. Taxation Department webste-a tarlan danin sawrkar kum kalta khan April, 2024-ah Chhiah hmuh hi tam berin hemi thla hian Rs. 165,01,97,183 hmuh a ni a, sum hmuh tlem ber thla chu September, 2024 kha niin Rs. 64,91,61,389 hmuh a ni. Chhinchhiahna atanga a lan danin nikum chhung khan GST atangin Rs. 9,37,76,93,760 hmuh a ni a, Profession Tax-ah Rs. 14,78,48,848 hmuh niin Sales (VAT)-ah Rs. 1,70,74,12,806 hmuh a ni bawk. Hei bakah hian nikum October atanga sawrkarin chhiah thar a lak kawng siamna tur ‘Road Maintenance Cess’ atangin Rs. 13,25,12,578 hmuh a ni a, hemi ruala Cess lak dan, Vantlang hamthatna hna thawhna tur ‘Social Infrastructure & Services Cess’ atang pawhin Rs. 113,25,12,578 hmuh a ni tawh bawk.