ASF lakah Serchhip District a la him niin hria

Mizoram hmun thenkhat ah African Swine Fever (ASF) avanga Vawk thi awm belh leh mah se he hri leng lakah hian Serchhip District chu a la him nia hriat a ni.
    AH&Vety Department in an chhinchhiah danin tunhnai khan Mizoram-ah ASF hri hi hmuh thar leh a ni a, tun dinhmunah hian Lawngtlai District leh Mamit District-a khua leh veng 13-ah he hri hi a leng mek nia hriat a ni. Nikum December 20 hnuah ni 80 vel zet ASF hri hi hmuh a nih loh hnuah ASF vang hian Vawk 521 thi leh tawhin Vawk 107 suat a ni leh tawh bawk a, Vawk thi Sample hi Guwahati-a enfiah a nih hnuah ASF a ni ngei tih March 20 khan finfiah a ni.