Volleyball inelna khel tan

Serchhip District Volleyball Association (SDVA) buatsaih ‘District Volleyball Championship’ leh ‘Age Group Volleyball Tournament-2025’ chu nimin khan Serchhip Vengchung Volleyball Court-ah khelh tan a ni.
SDVA buatsaih Volleyball inelna hi RS Traders (Aizawl) neitu Cephas Lalrinenga chuan khuallian nia hawngin thalaite ruihhlo bawih-ah an tan lohna tura infiamna lama hmalakna chu tha a tih thu leh lawmawm a tih thu sawiin, RS Traders in sumdawnna an kalpuina ah pawh thalaite tan an theih ang anga infiamna lamah hma an lo lak ve tawh thin thu a sawi a. Thalai ten ruihhlo hawisana infiamna tualzawl an lut chu lawmawm a tih thu sawiin, ruihhlo laka fihlim zel turin he hun tel infiammi te chu a chah bawk a ni.

He Tournament hawnna inkhawm hi SD-VA President K. Tlangthanmawia chuan kaihruaiin Match Commissioner leh SDVA-a Secretary Zothansanga hnen atabngin report ngaihthlak a ni a, tun tuma District Volleyball Championship khelh turah hian Mipa-a Team 10 telin Hmeichhia ah Team 6 an tel a. Age Group Tournament-ah hian Mipa tana Under-17 inelna ah Team 12 telin Hmeichhia Under-19 inelna ah Team 6 an tel bawk a, a vaiin Team 34 ten inelna an hmachhawn dawn a, tunkar Inrinni khian Final khelin zawhfel hman tura ruahman a ni.