TB vei mi 31 hmu tawh

National TB Elimination Programme hnuaia rampum huap ni 100 chhung TB natna do beihpui thlakna, 100 days Campaign kalpui mekah Mizo-ram-a mi 23,321 endik tawh zingah TB vei mi 31 hmuhchhuah an ni a, he hmalakna hi nikum December ni 7 atang khan neiin February ni 27 thleng khan Mizoram chhunga District 4- Aizawl, Mamit, Champhai leh Serchhip District-ah te neih a ni a. Aizawl District-a mi 10,562 endik zingah TB vei mi 18 hmuhchhuah a ni a, Champhai District-a 5476 endik zingah 4, Mamit District-a mi 3086 endik zingah TB vei mi 9 hmuhchhuah an ni. Nikum chhung khan TB vangin Aizawl District-ah nunna chan mi 269 awmin, Champhai District-ah 27, Mamit District-ah 12 leh Serchhip District-ah 7 an awm a ni.