January-ah Zu man a tam

Mizoram Liquor Prohibition Act hnuaiah January thla chhung khan Mizoram-ah Zu zuar mi 504 man an ni a, zurui mi 60 man an ni bawk. Kumin January thla chhung khan Excise & Narcotics Department chuan Zu zuar mi 483 manin Police lamin mi 21 man nen belhkhawmin Zu zuar mi 504 man an ni a, hemi kaihhnawihah hian zu thahnem tak man niin January thla chhung vek hian Excise Department in zurui mi 38 leh Police in mi 22 an man bawk a ni. MLP Act 2019 hnuaiah Rakzu litre sang ruk chuang man a ni a, Zu bilhlai Tin 2216 man niin Dawidim kg 52.8 man a ni a, Sapzu um 2700 chuang man niin Beer leh Wine hrang hrang pawh man a ni a, zu sakna bel 93 pawh man telin heng Zu kaihhnawihah hian END in motor 7 leh Police in 3 an man bawk a ni.