Mamit-ah Sawhthing ngah lo

Mamit District chhungah Sawhthing hralhchhuah mek niin quintal 403 leh kg 46 hralh a ni tawh a. Mamit District-ah hian Sawhthing hralhna/leina hmun 6 - Mamit, Kanghmun, Reiek, Rawpui-chhip, West Phaileng leh Tuidam-ah te awmin heng hmun atangte hian Sawhthing hralh leh lei thin tura ruahman a ni a. Mamit District-ah hian Feb. 21 khan Sawhthing hi lei tan niin Kanghmun khua ah lei tan a ni a, a hnuah khaw dangah lei zui a ni bawk. Sawrkar hotute chuan District dang aiin Mamit District-ah hian Sawhthing ling an tlem zawka a lan thu leh Sawhthing lingtu tam takte chuan Sawhthing chu cho a hralh nghal mai lovin a chi atan an la dah avangin Mamit District-ah Sawhthing quintal sing khat vel bak hralh chhuah theih an beisei loh thu an sawi a ni.