Sawrkar sum seng lovin Mizoram House sak tum

Chief Minister Lalduhoma’n Maharashtra khawpui Mumbai-ah Mizoram sawrkar sum seng lova Mizoram House sa turin hmalak mek a nih thu a sawi.

    Nimin-a Assembly thutkhawma zawhna leh chhanna hunah he thu hi sawiin Chief Minister Lalduhoma chuan ram chhung khawpui hrang hrang Guwahati, Bangalore, Mumbai leh Churachandpur-ah Mizoram House mamawhna sang hle mahse Mizoram sawrkar chuan a sakna tur sum a la nei rih lo tih House a hrilh a, hetihrual hian tunhma atanga Maharashtra khawpui Mumbai-a Mizoram sawrkarin ram a neih ah Mizoram House sakna tura inremna a lo siampui tawh, tun thlenga sak la ni chuang lo chu a Contractor ban an tum thu leh Mizoram sawrkar sum seng lova a sak theih dan turin indawrna neih mek a ni tih a sawi a, a taka an kalpui theih leh theih loh dan tur chu an la hre lo tih a sawi bawk.