Ralliana & Rokunga - YMA Sports Complex hawn a ni

Sports Minister Lalnghinglova Hmar chuan Zirtawpni zan khan Aizawl Tuikual South-ah ‘Ralliana & Rokunga - YMA Sports Complex’ chu a hawng a, Sports Complex chu naupang zawkte chher nan tangkai taka hmang turin a chah bawk a ni. Ralliana (fam) chhungten an pa hriatreng nan an ram chu Tuikual South Branch YMA hnenah an pe a, chu chu ‘Ralliana Memorial Basketball Court’ tih a ni a. A bul chiaha ram neitu Rokunga chuan thalaite tuihalna hriain a ram chu YMA hnenah a pe ve leh a, hetah hian Futsal Ground sak niin ‘Rokunga Futsal Ground’ tih a ni thung a. Infiamna hmun pahnih awm dun ta chu a hming atan ‘Ralliana & Rokunga - YMA Sports Complex’ ti a vuahin hunah hian Report hrang hrangte ngaihthlak a ni bawk.