Bazar-a thu sawnchhuak

Tun thla ni 17-a Aizawl Treasury Bazar a kan hnua bazar-a thu thinte an thutna hmun sawn tura tih chuan zawm a hlawh tha rih hle.

Aizawl Municipal Corporation (AMC) chuan he Bazar a kan hnuah hian thuchhuah siamin, helai hmuna eizawnga thu thinte chu thu tawh lo turin leh an thutna tura ruahman, Tuikual South-a AMC Multi-Complex Building-a insawn turin a ngen a. Chawhmeh leh thildang zuara Treasury Bazar a thute zingah AMC thupek chu dodal a, an eizawnna in a tawrh theih thu sawi awm mahse, sawrkar thu zawmin an thutna tur hmunah an thu vek tawh a, Inrinni-a Tennis Court leh Zodin inkar kawngkama thu te zawng zawng pawh an insuanluh vek avangin kawngpui pawh a thawl a, Traffic buai leh harsatna thleng a awm lo a ni.

Aizawl Treasury Bazar kang vanga insawn tura tih te hi Mizoram Legislative Assembly, Dak Inpui, FCS&CA Office, Agriculture Office, Horticulture Office leh Tennis Court chhehvel kawng kama eizawnga thil chi hrang hrang zuar te an ni.