Police post ruak 4480 awm

Home Minister K. Sapdanga chuan Assembly Session-ah Mizoram Police hnuaiah post ruak hnawhkhah loh 4,480 vel a awm thu a sawi.

    Nimin-a Assembly Inkhawm ah MNF Member Lalrinsanga Ralte zawhna kalzelah Home Minister chuan Police post ruak 4,480 vel a awm thu leh a indaihloh phuhrukna atan lak belh theih zat sang ber rih chu 200 chauh a ni tih a sawi a, sawrkar sum dinhmun a zirin lak belh zel a nih a rinawm thu a sawi. Home Minister chuan Police an lak tur turah mipa san zawngah ngaihnathiamna a awm dawn thu sawiin, “Police lak runpui ah ngaihna-thiamna siam zel a ni. A tirah Police Manual ang thlapa tih tum a ni a, mipui leh House member atangin a zawhna a tam avangin san zawngah ngaihna-thiamna siam a ni,” a ti. Home Minister sawi danin, Police lak tur dil thei chin chu HSLC pass, mipa tan 158cm leh hmeiche tan 153cm chin a ni.