MPCC Treasurer in Hmunphiah chingtute a tlawh

Zonuna Kawlni (LENKAWL) • March 6, 2025 • Comments • Mizoram

Mizoram Pradesh Congress Committee (MPCC) Treasurer Dr. Lalmalsawma Nghaka chuan Sawrkar chu a intiam anga a din loh avangin Zoram dung leh vanga Kuthnathawkte zingah beidawnna a thleng mek niin a sawi.

MPCC Treasurer hian nimin khan Saiphai, Saipum, Phainuam leh Vairengte khua-a Hmunphiah chingtute harsatna a hmunah a tlawh a, Sawrkar in Hmunphiah lei tura a intiamna chu dawtah a chan mek avangin Hmunphiaha eizawng te chawbel ben buak sakin a awm niin a sawi a. “Kum tluan-a an tha sen pawh engmah lovah a chang chho mek a, an hma lam hun beidawng takin an thlir mek a ni. Congress Sawrkar laia Hmunphiah hmun siama bultan an ni tlangpui a. Kum khata cheng nuai 2 chuang hmu thin te khan ZPM Sawrkar hnuah sing 4-5 pawh an lalut pha tawh lo nawk a ni,” a ti bawk.

MPCC Treasurer chuan Mizoram-a Sawrkar lo awm tawh leh awm mekte zingah mahni thuthiama dingnghet a, mahni Flagship hlawhtlinpui awmchhun chu Congress Sawrkar a ni tih mipuiin an hre chiang tulh tulh nia sawiin, Congress lam hawiin an haw mek niin a sawi bawk.