Mizoram Assembly Session chhunzawm leh a ni dawn

Mizoram Legisalative Assembly Budget Session chu Vawiin, March 3, 2025 hian chhun-zawm a ni leh dawn a, Vawiin thutkhawmah hian Bill pathum pharh a ni ang.

    February ni 19-a neih tan, Mizoram Legislative Assembly pakuana thutkhawm vawi 4-na, Budget Session ni bawk hi ni 9 chhung chawlh lailawk a nih hnuah naktuk Vawiin hian chhunzawm a ni leh dawn a, Vawiin thutkhawmah hian hun hmasa lam darkar khat chhung chu zawhna chhanna hun atana hmangin hemi hnu hian Sawrkar Bill te sawiho a ni ang. Ruahman lawk ang chuan Vawiin hian Bill pathum pharh a ni anga, Higher & Technical Education Minister Dr. Vanlalthlana'n, Rules siam thar, Mizoram State Higher Education Council Rules, 2024 chu House ah a pharh ang a, chawhnu rorel hunah Chief Minister Lalduhoma, Finance changtu ni bawk chuan, State GST Bill siam thatna tur, The Mizoram Goods and Services Tax (First Amendment) Bill, 2025 a phar dawn bakah LESDE Minister Lalnghinglova Hmar chuan Bill pahnih, The Mizoram Youth Commission Bill, 2025 leh The Mizoram Private Placement Agencies (Regulation) Bill, 2025 te House-a sawiho turin a pharh dawn bawk a ni.