Chief Secratary Khilli Ram Meena-a’n Mamit tlawhin sawrkar Department hrang hrang hotute a kawm

Chief Secretary Khilli Ram Meena IAS chuan Inrinni khan Mamit tlawhin sawrkar Department hrang hrang hotute a kawm.

Chief Secretary hian Inrinni khan Mamti thlengin sawrkar mi pawimawh ten an lo dawngsawng a, hemi hnu hian DC Conference Hall-ah Bawrhsap K. Laltlawmlova kaihhruaiin Department hrang hrang Department hrang hrang hotute a kawm a, he hunah hian Chief Secretary chuan Mamit District chhunga hmasawnna hna kal mekte chu tha taka a kal theih nan theihtawpchhuaha ngaihtuahna tak tak seng turin officials te a chah a, Mamit District dinhmun tha zawka a ding tura an tanrual a ngaih thu leh mipuite hnen thleng phak ngeia mahni line theuha taima taka hnathawk turin kalkhawmte a chah a ni. Chief Secretary chuan hmasawn tur chuan kan fate thil tih kan ngaih pawimawh a tul thu sawiin, an hunawl an hman dan te, an thil tih te uluk zawka In-ah leh zirna In-ah kan hriatpui a tul thu a sawi a, hei hian hmasawnna tam tak a ken theih thu a sawi bawk.

He hunah hian Mamit Bawrhsap K. Laltlawmlova chuan Mamit District dinhmun tarlangin, Mamit District chhungah mihring 101290 an awm a, a zau zawng hi sq.m 3025 a ni a. In (households) 20,902 awmin literacy rate hi 84.93% a ni bawk. Aspirational District hnuaia hmalakna-ah tehfung hrang hranga tehna-ah Mamit District-in dinhmun tha tak tak a lo hauh tawh a, hemi avang hian NITI Aayog atangin cheng vbc. 19 lai dawn a ni, Ranking hnuhnung berah overall performance 5th position an hauh mek thu tarlangin, Mamit District hmasawnna atana schemes pawimawh zual leh Project thenkhat a hnathawhte a lem nen a tarlang bawk a ni.

Mamit SP Pukhraj Kamal IPS pawhin venhimna lama Mamit District dinhmun a lem nena tarlangin, Police Sub-Division pathum- Mamit, Kawrthah leh West Phaileng awmin Police Station panga leh Out Post pakhat a awm thu a sawi bawk. Chief Secretary hian Bairabi to W. Phaileng via Mamit 132 KV Line leh Mamit College te a tlawh bawk a ni.