Lungawi loh lantirin Aizawl ah Congress an pungkhawm

Aizawl District Congress Committee (AD-CC) chuan Assembly thutkhawmah Chief Minister Lalduhoma chu Lawngtlai West bialtu MLA C. Ngunlianchunga chungah mawilo taka che ah puhin nimin khan Aizawl Treasury Square-ah lungawilohna lantirin an pungkhawm.

He punkhawmna ah hian MPCC General Secretary TT. Zothan-sanga chuan Ram rorelna sangah Mizoram hum-himtu tura an ngaih Chief Minister Lalduhawma’n a member puite zah lova thil a sawina avangin Zoram Rorelna hmun zahawmna a hloh mek niin a sawi a, Chief Minster in a member puite chunga a rilru put hmang enin C. Ngunlianchunga bakah eptu lam te thlavang hauh tura MPCC member te chu pungkhawm an nih thu sawiin, Assembly Session neih mekah Chief Minister Lalduhawma’n zawhna a chhan danah MPCC chu a dam thei lo tih a sawi a, Chief Minister chuan House leh Zoram mipui hnenah ngaihdam dil tura a duh thu a sawi ni. 

MPCC General Secretary TT. Zothan-sanga chuan ZPM Party chuan eiruk an duhlo tiin tlangau mahse eiruk avanga thubuai nei lai V. Zirsanga chu CEM atan an duh tho tih a sawi a, hei hian eirukna an huatlohzia lantirtu a nih thu a sawi bawk a ni.

He hunah hian Aizawl District Congress Committee President Lalhmingthanga Pachuau pawhin thu sawiin Chief Minister leh House Leader Lalduhoma'n C.Ngunlianchunga chu Anticipatory Bail dil tura thurawn a pe a tawngkam dengkhawng taka hmang chu an dem thu a sawi a, Chief Minister in a thuneihna talhfiaka a hmang zel dawn a nih chuan Zoram mipui te in ngaihtuah chian a ngai dawn niin a sawi bawk.

Nimin-a punkhawmah hian Congress member thahnem tak leh Mizoram Police te chu an innawr a, Congress member atangin hliam tuar mi pahnih an awm a ni.