Kawng endiktu tur din

 Lunglei leh Tlabung inkar National Highway-302 sial hna thawh mekah enfiah ngai leh ngaihven ngai te endika hnathawh dan thlithlai thin turin Monitoring & Inspection Team din a ni. Lunglei Bawrhsap hova inkalpawhna kawng chungchang a hmalakna kalpui mek bawhzuina atan tunhnai khan Tlabung SDO (C) Moses Lalfakawma Tlau kaihhruaiin Monitoring & Inspection Team hi din a ni a, he Team-ah hian BDO pisa-a thawkte bakah PWD, NH-302 Ngaihven Pawl Chairman, Tlabung leh Zodin VCP, Khawthlangtuipui Group YMA President bakah khaw chhunga YMA Branch President theuhte chu Member atan ruat an ni. Monitoring & Inspection Team hi NH-302 sial hna thawh mek a nih dan a khat tawka endik tur te, kawng sial kaihhnawiha harsatna thleng thin zirchian bakah a hun taka kawng sial hna zawh a nih theihna tura rawtna te thehlut thin tura beisei an ni.