In kang-ah mi pakhat kanghlum

Inrinni kalta tlai dar 4:00 vel khan Vairengte IOC Veng-a B. Chhuana te In chu a kang a, he In kang ah hian In neitu B.Chhuana Nu, Lali (89) chu vanduaithlak takin a kanghlum a ni. He In kang hian a chhak chiah a a fapate In chu kang kaiin In pathum chu bungrua engmah chuh hman lovin a kangral leh vek a, Car leh Bike pakhat a kangral bawk a ni. Vanduaina thlenna hmun hi nimin khan Minister C. Lalsawivunga chuan a hmunah a tlawh a ni.