BCM in MKHC-a tel chhunzawm loh an rel

Mizoram Baptist Kohhran chuan Mizoram Kohhran Hruaitute Committee (MKHC) atanga inhnuhdawh an rel a, Mizoram People's Forum (MPF) a tel tura sawmna pawh an hnawl rih.

    Mizoram Baptist Kohhran rorelna sang ber Assembly vawi 129-na chuan Council of Churches in Mizoram (CCM) chu nikum October ni 27-a alo din takah chuan CCM Executive Committee December ni 20-a thukhawm chuan CCM-a Member Kohhran 9 te chu MKHC-ah tel chhunzawm tawh lo mai nise, tiin rawtna a siam a, chu an rawtna chu kumin January ni 28-a Administrative Committee thukhawm chuan ngaihtuahin tha a ti a. Hei hi Assembly-ah ngaihtuahin pawm a ni ta a ni. Hetihlai hian MPF a tel ve tura sawmna chu Assembly palaite'n an ngaihtuah hnuah tun dinhmunah chuan la tel rih loh nise an ti a. Sap Upa leh Pu Buanga te Mizoram chhim chan lam an lo thlen ni, March ni 8 chu Kohhrante'n hlung zawk a hman nise ti a rawtna pawh Assembly chuan a pawm a ni. BCM Assembly hian Mizo tawng hman dik leh Mizo tawng hman uar kawnga BCM pumpui huapa hmalak rawtna pawh an pawm a, hemi pual hian March ni 15 khian BCM Hall Serkawn-ah hun hman a ni dawn a, Kohhran chanchinbu enkawltu te pawh koh an ni.