House in Official Resolution an pawm

Mizoram Legislative Assembly chuan Official resolution, ‘The Water (Prevention and Control of Pollution) Amendment Act, 2024’ chu lungrual takin a pawm.

    Nimin-a Assembly thutkhawm ah Environment, Forests & Climate Change Minister Lalthansanga chuan Official Resolution pulutin, he Resolution tum ber chu tui thianghlim neih theihna tura tuihnate venna a ni a, Parliament-in State tin House te hmang ve turin a tih avanga rawn pu lut ta a ni tih a sawi. Minister chuan, dan bawhchhia te chu tunhma-in kum 6 thleng lung In tang tura hrem theih an ni a, tunah chuan cheng nuai 15 thleng chawi theih tura tih a ni tawh tih sawiin, he dan hnuaiah hian hetiang lam hre lo Chairman-a ruat a nih loh nan Pollution Control Board Chairman chu sawrkar laipuiin a ruat anga, Member Secretary chu State sawrkarin a ruat thung dawn a ni. Sawrkar laipui dan, State sawrkarin an lo hman ve tur a nih avangin House member te’n sawiho loh ni se an tih angin lungrual takin a pawm ta a ni.