Hmanlai Mizo nunzia entir

Chapchar Kut 2025 lawmna puala Art & Culture Department buatsaih ni hnih awh tur, Hmanlai Mizo nunzia entirna hun, 'Live Demonstration of Mizo typical life' chu nimin khan Fal-kawn-ah neih tan niin Adviser to Chief Minister TBC. Lalvenchhunga chuan a hawng a, Falkawn Zo khua-ah hian Lal In, Khawnbawl In, Zawlbuk, Thirdeng In, Pum, mi naran In leh Hmeithai In a awm a. Heng In-ah te hian Mizo thuam leh hmanraw chi hrang hrang nen Mizo khawsak zia entir a ni a. Naupang Pawnto leh Mizo infiamnate, Mizo La deh dan hrang hrangte entir a ni bawk. Heng hmanlai Mizo nundan entirna hi March ni 5 leh ni 6-ah te chawhma dar 10:00 atanga chawhnu dar 4:00 thleng a thlawn a tlawh theih a ni.