Kuhva sawngbawlna din tum

Nimin-a Assembly Inkhawm ah MNF Member Lalrinsanga Ralte zawhna chhangin Land Resources, Soil & Water Conservation (LRS &WC) Minister Lalthansanga chuan Zamuang leh Chemphai-ah kuhva sawngbawlna hmun (processing plant) din tum mek a nih thu a sawi a, Zamuang leh Chemphai-a kuhva processing plant dinna atan hian NEC atangin cheng vbc. 7.43 hmuh a ni tawh a. He project hnuaiah hian kuhvarah te chu a khawl hmanga a kawr khehin, khawl hmang vek-a tihro a ni anga. Kuhva rah hmin thate ferment (skop) a ni anga, kuhva hnah ro atangin plate leh bowl siam tum a ni. Kuhva khehna kawr atangin leitha (organic manure) siam tum niin, processing plant enkawl hna chu Society-te kutah hlan chhawn tura ruahman a ni.