Chapchar Kut-ah programme dang siam lo turin ngen

Serchhip Sub-Hqrs. YMA Chapchar Kut Organising Committee chuan sawrkar in sawrkar Pisa chawlh-a a puan remchang a hmanga Chapchar Kut ni-ah Programme dang ruahman lo turin pawl hrang hrangte an ngen.

Serchhip Sub-Hqrs. YMA Chapchar Kut Organising Committee hi nimin khan Serchhip Sub-Hqrs. YMA Meeting Room-ah thukhawmin March 7, 2025-a Serchhip-a Chapchar Kut hman dan tur tlangpui an duang fel a, kumin hian Chapchar Kut hi Serchhip Sports Complex-ah hman tura ruahman niin Bawrhsap Paul L. Khuma chu Kut Pa niin Serchhip Sub-Hqrs. YMA President Kawl-thuama chu Kut Thlengtu a ni ang.

Serchhip Sub-Hqrs. YMA Chapchar Kut Organising Committee chuan Chapchar Kut hi sawrkar in Pisa chawlh ah a puan angin mipuite a tam thei ang ber tel turin an sawm a, sawrkar in Pisa chawlh-a a puan remchang ah hmanga Programme dang lo ruahman lo turin pawl hrang hrang te an ngen a ni. Kumin a Serchhip-a Chapchar Kut hman turah hian Mizo Hnam Lam chi hrang hrang en tur a awm dawn bakah Zaithiam hrang hrang zai ngaihthlak tur a awm dawn bawk a. ‘Chapchar Kut Miss’ thlanna neih a ni bawk ang.