Food Micro-processing Entrepreneurship-ah Seminar nei

Zonuna Kawlni (LENKAWL) • March 1, 2025 • Comments • Serchhip

Nimin khan Govt Serchhip College-ah ‘National Science Day 2025’ pualin ‘Pradhan Mantri Formalisation of Micro Food Processing Enterprises Scheme (PMFME) - Seminar on Food Micro-processing Entrepreneurship Programme’ hman a ni a, he hun hi MIFCO Chairman Lalthazuala Rawite chuan hmanpuiin PMFME hnuaiah India sawrkarin ram mipuite tan ei tur tha, thianghlim leh hrisel a tam thei ang ber siamchuahna tur prog-ramme tha tak a duan thu leh chu mi kengkawhtu (Implentating Agency) atan State Project Monitoring Unit (SPMU) te din a ni tih a sawi a. PMFME Scheme chu a tangkai thei ang bera hmang turin College zirlaite a chah bawk.

He Seminar-ah hian Resource Person atan Zosangliana, General Manager, MIFCO leh Henry Saingura, DRP, PMFME te hman niin 'Food Micro-processing Entrepreneurship' chungchanga hriat tur pawimawh hrang hrang te Powerpoint presentation hmangin an zirtir bakah PMFME chung-changah zawhna leh chhanna hun an hmang a ni.