Ban-a kaih ah cheng vbc. 350 dah a ni tih sawi

Chief Minister Lalduhoma’n kum 2025-26 chhungin Bana Kaih hnuaiah cheng vbc. 350 an ruahman tih sawiin, kuthnathawktute chawi-kanna tura tangkai taka hman an tum tih a sawi.

    Sawrkar kumthar atana Mizoram Budget a pharh zawh hnu-a Assembly House Annex Building, Conference Hall-a thuthar thehdarhtute a kawmna ah Chief Minister chuan sawrkar kum kal mekah Sawhthing chu Mizoram sawrkarin kuthnathawktute a leisak vek dawn tih sawiin, kumin tharchhuah chu hmaih awmlo in lei an tum tih a sawi a, tuna la hralh mai lo te pawhin lo cho sa loa Sawhthing chu leituten an Sawhthing an lei hun tur lo nghak hram turin a duh thu a sawi a, kuthnathawktute hmasawnna tur atan sawrkar kum tharah pawisa tam tak an dah tih a sawi a ni. Chief Minister chuan thlai thar 4 – Sawhthing, Hmunphiah, Aieng leh Hmarcha chu sawrkar kumthar ah an lei leh dawn thu leh hmachhawp thui tak kuthnathawktute tan an siam tih a sawi a, thlai dang lei tumna an la nei hrihlo a ti a, Bana Kaih hnuaia budget-a cheng vbc. 350 an dah chu tun sawrkar kum kal meka hemi puala an dah cheng Vbc 200 aiin 75% in a sang tih a sawi bawk.