Assembly-ah Bill pass

Zonuna Kawlni /

Mizoram Legislative Assembly chuan niminpiah khan ‘The Mizoram Urban and Regional Development Bill, 2025’ chu siamthat ngai te siamtha turin nimin khan lungrual takin a pass.

    He Bill puluttu UD&PA changtu Minister K. Sapdanga chuan Mizoram-ah zaa 52 lai chu khawpui a cheng an nih thu leh Goa dawta khawpuia cheng zat san berna State a ni tih a sawi a, kum 2011 atanga 2021 inkarah khan khawpuia cheng zat chu zaa 23.48 in an pung tih a sawi a, khawpui than dan ruahmanna mumal zawka siam a nih theihna tura dan hman mek MURD Act 1990 chu kum 35 kalta a mi a nih avangin sawrkar laipui atanga Scheme lo kalte a phuhru zo tawh lova, siamthat ngai leh belh ngai a tam tawh em avangin siamthat ai chuan a thar a thlak mai a chi tawh zawka an hriat avangin bill thar The Mizoram Urban and Regional Development Bill, 2025 chu duan a ni tih a sawi a, dan hmasa nen thil tam tak an thlak danglam tih a sawi a, khawpui thang chho zelah hmasawnna mumal zawka kalpui a nih theih nan he dan huap zau zawk hi mamawhna a lian chho zel dawn a ni, a ti bawk.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »