Kolasib-a Fast Track Court building sak lai mek

Zonuna Kawlni /

Guwahati High Court Judge leh Mizoram State Legal Services Authority-a Executive Chairman, Justice Michael Zothankhuma chuan nimin khan Kolasib Project Veng-a Fast Track Court building sak lai mek chu a hmunah a endik.

Cheng nuai 1799 senga sak mek he Court Building hi September 2022 atanga sak tan niin, Court Room 5 leh Judge Chamber 5 awm thei tura ruahman a ni a. Ukil hmeichhia leh mipate tan Room hran ve ve awm thei tura ruahman a ni bawk. Staff hrang hrang Room bakah Court-in a ken tel Police leh Excise Prosecution Branch leh Room pawimawh dangte awm tura ruahman a ni bawk.

Ruahmanna hmasa ah chuan September 2024-ah a sak hna hi zo tur a inremna ziah a ni a, rokhawlhna avangin a sak hna hi kumin April thla ralhmaa zo tura in hun pawhsei sak a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »