Aizawl-ah Chapchar Kut hmang

Zonuna Kawlni /

Chapchar Kut chu nimin khan Aizawl-ah hman tan a ni a, a lawmna hun Lammual-a buatsaih chu EF&CC Minister Lalthansanga chuan a hmanpui a ni.

Nimin-a Chapchar Kut hmanna ah hian Minister Lalthansanga chuan Chapchar Kut hman chhoh zelah Zonun Zemawi hrang hrang chawisang tura thupui thlan a ni thin chu lawmawm a tih thu sawi a, Mizoram thil neih hlu leh hmun tha te chu neitu thinlung pu-a enkawl thiam pawimawh a tih thu a sawi bawk.

Aizawl-a Chapchar Kut hman pual hian Handloom, Textile and Handicraft Exhibition bakah Food Exhibition-te chu niminpiah atang khan neih a ni a, Lammual Gate bul atanga Vanapa Hall kawt thlengin kawngpui dung ah Stall-te hi a duh apiang tan tlawh theih a hawn niin Stall 94 a awm a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »