YMA in NHIDCL-ah rawt

Zonuna Kawlni /

YMA Sub-Hqrs. Lunglei in National Highway-302 sial hna thawh mek kaihhnawiha rawtna leh duhdan an neih hrang hrangte chu nimin khan Lunglei-a NHIDCL hotute hnenah an thlen. Lunglei atanga Tlabung panna kawng NH 302 sial hna thawh mekna hmun thenkhat chu leivung khu in a bawh nasat avangin lirthei leh ke-a veivak ten buaina leh harsatna an tawh phah tih YMA Sub-Hqrs. Lunglei chuan an sawi a, harsatna liantham a thlen loh nan a khat tawka tui-a phuh thin turin rawtna an thlen a, Phairuanglei thawm tha tura Contractor-te an intiam laia tun thlenga hmalakna la awm lo chu an hriatthiam loh thu leh Fur a lo thlen hunah tuna Lei helna kawng chu tuiin a len chhiat mai dawn avangin a rang lama thawmthat thuai an phut thu an thlen bawk.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »