ZPM Thalai ten thu belhchian dawllo niin an sawi

ZPM Thalaite chuan Mizoram Sawrkarin MPSC a thuam chak tawk lo nia sawi chu thu belhchian dawllo niin an sawi.

    Nimin-a thuchhuah an siamah ZPM Thalaite chuan tun thla ni 19-a MNF Thalai ten ‘Mizoram Sawrkarin MPSC a thuam chak tawk lo’ tia thuchhuah an siam chu thu belhchian dawllo ah an ngai tih tarlangin, tun thla ni 18 khan ZPM Thalai Hqrs. hruaitute chuan Mizoram Public Service Commission (MPSC) Office tlawhin ZPM Sawrkarin MPSC a thuamchak dan hrang hrangte a hmunah hmuhpuiin, MPSC lama thawktute pawh an lawm hle tih an tarlang a. Kum khat chhung leka ZPM Sawrkarin MPSC a thuamchak tawh dan leh hmalakna kal mekte tarlangin, MSSSB thiah a nih avangin MPSC-ah post dah belh a thuam chak niin A/S, JH Controller leh Asst. Controller pakhat theuh bakah Assistant -2; UDC-4; LDC-3 leh Group-D 7 dah belh an ni tih an sawi a. Hei bakah hian Infrastructure atan Minor Works-ah funds pe in Grand Barrack cum Canteen sakna tur atan Sawrkarin hma a laksak mek thu leh SASCI hnuaiah cheng vbc. 10 chuangin hmalakna kalpui mek a ni tih an tarlang a. State Sawrkar atangin Scheme for Implementing of Persons with Disabilities Act (SIPDA) hmangin Disable (pianphunga rualbanlo) te tan toilet siamna tur fund buaipui mek a ni tih an sawi bawk a. “Opposition tha tak n iturin  MNF leh Congress-te hi ZPM Thalai chuan kan ngen bawk a ni,” tiin an thuchhuah ah chuan an tarlang bawk.