Thlai thar sawngbawl dan zirhona buatsaih

Mizoram-a thlai tharchhuah hrang hrang te sawngbawl dan leh hmasawnna hrang hrang sawiho hun, ‘National Seminar on Packaging, Export Promotion and Digital Marketing’ chu nimin khan Aijal Club-ah neih a ni.

Branch Micro Small and Medium Enterprises (MSME) buatsaiha he hun hmanah hian Commerce & Industries Department Director Maria CT. Zuali chuan Mizorama thlai tharchhuah te leh an siamchhuah tam tak chu pack-na mumal an nei lo tih sawiin, Nimbu sawrchhuah chu bur dang ah thunin zawrh a ni mai thin tih a sawi a. Food processing lama hmasawn tur chuan thangthar thiamna sang tak tak nei, hmunpui zawk dawr thiam an ngai tih sawiin, Mizorama thlai tharchhuah chu pack-na tha a awm loh avangin la thawnchhuah theih a ni lo a, Mizoram-ah chuan lakluh lam hawi zela a la kal avangin hlawkna an la tel thei rih lo tih a sawi bawk.

National Seminar-ah hian mi 150 chuang telin, helam a mithiam bikte leh Self Help Group hrang hrang, MSME entrepreneur-te leh Mizoram University-a zirlai te an tel a. He hunah hian Indian Institute of Packaging Government e-Marketplace (GeM)-a mi thiam leh helam a mithiam bik ten kalkhawm te chu training an pe nghal bawk a ni.