Watershed Yatra hawnna nei

Serchhip District tana tuihna humhalh kawnga hmalakna Watershed Yatra hawnna chu nimin khan Serchhip DC Pisapui Hall-ah neih a ni a, he hun hi Bawrhsap Paul L. Khuma chuan hmanpuiin khawvel thang zelah tuihna humhalh nasat a tul tawh zia sawiin, kalkhawmte chu hemi kawnga theihtawp chhuah theuh turin a sawm a ni. He hunah hian DRDO Project Director Dr. Malsawmtluanga Fanchun chuan Watershed Yatra chungchang sawi-fiahin, Ministry of Rural Development, Govt. of India hmalakna pawimawh tak a nih dan a sawi a. Swaach Bharat Mission Serchhip District-a Project Coordinator Samuel Lallawmzuala chuan tuihna humhalh dan tur zirtirna a pe bawk. Nimin-a Watershed Yatra hmangtu mipui kalkhawmte chuan tuihna humhalh tura intiamna thu an chham rual a ni.