CADC sawrkar fiah a ni

Zonuna Kawlni (LENKAWL) • February 18, 2025 • Comments • Mizoram

Chakma Autonomous District Council (CADC)-a BJP Sawrkar, Molin Kumar Chakma hruai chuan nimin khan House ah fiahna a paltlang. Tun thla ni 4-a CADC-a Chief Executive Member (CEM) atan a lakluh Molin Kumar Chakma chu Governor ruahmanna angin nimin khan CADC Session-ah Member thlawptu a neih dan fiah a ni a, Member tamzawk in CEM hi an thlawp avangin CADC-a BJP Sawrkar chuan fiahna a paltlang a ni. Mipui thlan MDC 20 awmna CADC-a sawrkar fiahna hun hi CADC Chairman Mohan Chakma chuan kaihruaiin Sawrkar thlawp zawngin Member 14 ten ban an phar a, Member pathum in a ep zawngin ban an phar laiin Member pahnih te chu Session-ah an tel lo thung a ni.