Kum 3 chhungin Mobile Phone bo 875 chhuichhuak

Mizoram-a Police Station hrang hrangah kum thum kalta chhung khan Mobile Phone bo chhui chhuah 875 a awm.

    Mobile Phone rukbo hi Police Station-a complaint dawn nasat leh thil thleng hluar em em niin hemi avang hian ngawrh taka chhuichhuah hna kalpui thin a ni tih Mizoram Police te chuan an sawi a. Tunhnai kum thum chhunga Mobile Phone bo an chhuichhuah chu 875 niin kum 2023 chhungin 559, kum 2024-ah 299 leh kumin (2025)-ah 17 a ni tawh a. Heng Mobile phone bo chhui chhuah 875 bakah hian Ministry of Communication hnuaia Department of Telecommunications-in a siam Central Equipment Identity Register (CEIR) Portal hmangin Mobile Phone rukbo/tihbo 110 chhuichhuah a ni tawh bawk. Mobile Phone bo chhui hna hi ngawrh taka kalpui mek zel a nih thu Mizoram Police te chuan sawiin, hengte hi a neitute hnenah pek kir zel a ni tih an sawi bawk.