Sawrkar kum kal mekah Chhiah vbc. 12 hmu tawh
Deputy Commissioner of State Tax, Serchhip Zone atanga LENKAWL in thu a dawn danin sawrkar kum kal mek nikum April thla atanga kumin (2025) January thla tawp thleng khan an Office hian Chhiah chi hrang hrang Rs. 123,731,175/- an hmu tawh a, State GST atanga sum hmuh tam berin Rs. 9,96,72,477/- an hmu tawh a, VAT atangin Rs. 1,54,27,382/- an hmuh bakah Profession Tax Rs. 79,31,260/- an hmu tawh bawk a. Heng bakah hian nikum September thla atanga sawrkar in Cess a lak thar Road Maintenance leh Social Infrastructure and Services atangin Rs. 3,50,028/- ve ve an la tawh bawk a ni.
Serchhip-a Taxation Office hian thla kalta January 2025 chhung khan State GST-ah Rs. 1,79,86,115/- an hmu tawh a, VAT atangin Rs. 3,66,449/- leh Profession Tax Rs. 90,800/- an hmu bawk a ni.