Serchhip District Magistrate Paul L. Khuma chuan Section 163 Bhartiya Nagarik Suraksha Sanhita 2023 in thuneihna a pek hmangin tunhnai khan kangmei chungchangah khapna thupek a tichhuak a. Hemi ang hian mi tumahin meilam tha tak sial hmasa lo chuan lo/huan leh leipui an hal tur a ni loh thu te; mi tumahin mihring nunna leh bungrua atana hlauhawm turin kangmei an tichhuak tur a ni lo tih te; Mi tumahin eirawngbawlna leh ran chaw chhumna leh intihlumna atana hman thuk, meihawl, khawnvartui, gas, electric thuk, etc. kangmei tichhuak thei zawngin an chelek tur a ni lo tih te; Mi tumahin ramhnuaia an meichhem timit lovin emaw, meizial a nung chunga paihin, an kalsan tur a ni lo tih te leh Serchhip District chhunga lo, huan, leipui hal turte chuan March ni 15, 2025 ralhmain an hal vek tur a ni tih te a tarlang bawk.
