Sawrkar hotute thusawi MNF in vanduaithlak ti

MNF Party Sr. Vice President Dr. R. Lalthangliana chuan Village Council leh Local Council-te’n sawrkar an thawhpui tha duh lo tih sawrkar hotute’n an sawi ri fo chu vanduaithlak a tih thu a sawi.

    Nimin a Aizawl Press Club-a thuthar thehdarhtute a kawmnaah Dr. R. Lalthangliana chuan ZPM sawrkarin Local Council leh Village Council dinglaite an thawhpui duh loh avang leh party bil sawrkar sawhngheh a tumna avang liau liau a term dinglai thla ruk chuanga a pawt tawi chu Mizoram a mipui rorelna zah lohna lian tak a nih thu a sawi a, MNF sawrkar laia Covid hripui avanga Village Council leh Local Council inthlan sawn hlat a ngaih khan an party chuan Ppposition party tha takin an thawhpui thei tih sawiin, Covid dona kawnga India rama titha ber Mizoram a nih theih chhan lian tak an ni tih a sawi bawk.