Eirukna a tawmim niin ZPM ten an sawi

ZPM Party Media & Publicity Department-a General Secretary TBC. Lalthanmawia chuan Chief Minister Lalduhoma kaihhruai kalphung thar, mipui sawrkar-ah eirukna a tawmin ta hle tih a sawi.

    Nimin a Aizawl Press Club a thuthar thehdarhtute an kawmnaah TBC. Lalthanmawia chuan ZPM chu Mizorama politics harhtharna thlentu a nih thu a sawi a, mipui beisei leh inngahna party awmchhun a nih angin Local leh Village Council inthlan lo awm turah pawh mipui te’n hnehna sang tak an pek a beisei tih a sawi a. Local leh Village Council-te chu sawrkar kut ke pawimawh tak leh mipui nena inngheng tlat an ni tih sawiin, Local leh Village Council member zingah sawrkar tha taka thawhpui thin an awm laiin thenkhat erawh thawhpui harsa tak tak an awm thu a sawi a, hei hian mipui tana hmasawnna thlen kawngah harsatna a thlen in avangin Zoram mipuite chu Local leh Village Council inthlan lo awm turah ZPM Party thlan tling turin an ngenin an sawm tih a sawi a ni.