Queue-less Polling Station-a vote thlak dan tur
Village Council Inthlanna neih turah Govt. Primary School, Field Veng Polling Station chu Model Polling Station atana ruahman niin he Polling Station-a Vote thlak tur te intlar thui ngai lo turin Field Veng Branch YMA te leh Village Level Officer-te'n ruahmanna an siam a. Ruahmanna siam a nih daninVote thlak tan, zing dar 7:00 atanga zing dar 8:30 thlengin zingkar atang leh chaw eikham atanga inhlawh/hnathawk turte bakah Electoral Roll-a Sl. No. 1-50 ten Vote an thlak thei anga. Zing dar 9:00 atanga chawhma dar 11:00-ah Sl. No. 51 atanga 146 ten Vote hi thlakin dar 11:00 atang chhun dar 12:30 thlengin Sl. No. 147 atanga 287 ten Vote hi an thlak leh thei dawn a, chawhnu dar 1:00 atanga dar 2:45-ah Sl. No. 288 atanga 428 ten Vote hi thlak ve lehin Sl. No. 429 atanga 686 ten chawhnu dar 2:45 atanga tlai dar 5:00 thlengin Vote an thlak thei dawn a ni.
Vote thlak dan tur siam chin piah lamah hian kum upa lam, kum 70 leh chunglam, tar chak tawh lo, hruai ngai (PwD) leh pawimawhna bik neite chu vote thlak tura Polling Station an thlen hun hunah vote thlak nghal zel thei tura ruahmanna siam a nih bakah engemaw harsatna vang emaw, remchan lohna avanga vote thlak hun tura ruahmanna siam hun (time slot) a vote thlak hman lo pawhin a hman remchan hunah vote a thlak thei dawn a ni.