Naupang kum 1 atanga 19 inkar ten rulhut an pai lohna tura Rulhut hlo pek beihpuithlakna leh rulhut in a nghawng thalo te inzirtirna hun, National Deworming Day (NDD), 2025 chu kumin a a vawi khatna atan nimin khan hman leh a ni.
National Deworming Day (NDD), 2025 pual hian Serchhip-a chuan Presbyterian English School ah hun hman niin NHM-a District Programme Manager Deborah Vanlalchhuangi chuan he hun hi a kaihruai a, he hun hmanpuitu Deputy Chief Medical Officer Dr. Lallawmkimi Chhakchhuak chuan Rulhut chungchanga hriat tur pawimawh hrang hrang leh Rulhut pai avanga taksa a tawrhna awm thei te a sawi a. Rulhut kan pai lohna turin kum 1 atanga 19 te chuan kum khat-ah avwi hnih zel Rulhut hlo hi an ei a pawimawh thu sawiin, tunah hian kumin-a a tum khatna atan Rulhut hlo hi ei tur a nih thu leh August thla ah a vawi hnihna atan Rulhut hlo hi ei leh tur a nih thu a sawi a ni.
National Deworming Day (NDD) hi India ramah kum 2015 atang khan kalpui tan niin Mizoram-ah chuan kum 2016 khan kalpui tan a ni a, kum tin tum hnih, thla ruk dan-ah he Ni hi hmangin naupang kum khat atanga kum 19 inkar te chu Rulhut hlo hi pek thin an ni a. Kumin a NDD thawh khatna hi February 17 thleng kalpui tur niin Serchhip District-ah mi 24,430 te hnenah Rulhut hlo (Albendazole) hi pek tura ruahman a ni a, Zirna ina inziak lut lo te chu ASHA-ten an Inah kalchilhin an pe dawn a, a ei tur ten an ei veka tumah hmaih an awm loh nan a thualnawmna (Mop Up Day) hi February ni 17, 2025-ah neih leh tur a ni. National Deworming Day thawh hnihna hi August thlaah neih leh tur a ni ang.
