Ruang phurh man Online-a dilna tur duang mek

Mizoram sawrkar in Ruang phurhna man a ruahman chu Online hmanga dil theih tura ruahman mek a ni. Social Welfare & Tribal Affairs Department hmalakna thlirletna hun nimin-a neih a tarlan a nih danin ruang phurhna atan sawrkarin Mizoram Budget-a cheng vbc. 5 a dah atangin Rs. 23,33,314/- chu diltu mi 238 hnenah pek a ni tawh a, tunah hian dilna 82 la awm mekin Online hmanga dilna hi thehluh theih tura duan mek a ni bawk. He Department hnuaia sem thin, Tar pension (IGNOAPS), Hmeithai pension (IGNWPS), Disable pension (IGNDPS) leh National Family Benefit Scheme hmangin tun sawrkar kum kal mekah Central share atangin nikum April atanga June atan cheng nuai 250.28 leh State share atangin April atanga September atan cheng nuai 1695 pekchhuah tawh a ni bawk.