National Games-ah Mizoram in Gold la

Zonuna Kawlni (LENKAWL) • February 8, 2025 • Comments • Mizoram

National Games vawi 38-na neih mekah Lalthlamuanpuia chuan Taekwondo Men's Poomsae inelna ah Mizoram tan Gold Medal lain tun tum National Games-a Mizoram in Gold Medal a lak hmasak ber a ni.

Lalthlamuanpuia hian Gold Medal a lakna kalkawngah hian a tumpuite hneh vekin Round tinah a chungnung hle a, Knockout Round luhna tura in thlitfimna leh Seeded zawnna Pre-Quarter Round-ah point 7.916 hmuin point a hmusang ber a. Knockout Round-ah pawh chungnungin Final-ah National Games hnuhnung ber Goa-a Gold Medal latu Services Sports Control Board (SSCB) ami Dingku Singh nen an in tum leh a. Thlamuanpuia hian Dingku Singh lakah hian point hmuh theihna zawng zawngah a chungnun zia a ti lang vek thei a. Point 8.199 hmuin champion lai Dingku hian point 7.999 a hmu thung a ni.

National Games neih mekah hian Mizoram hian Gold Medal leh Bronze Medal pakhat ve ve an la tawh a ni.